श्री हनुमान चालीसा

जय हनुमान ज्ञान गुन सागर। जय कपीस तिहुँ लोक उजागर॥

Jai Hanumaan Gyaan Gun Saagar. Jai Kapis Tihun Lok Ujaagar.

राम दूत अतुलित बल धामा। अंजनि-पुत्र पवनसुत नामा॥

Raam Doot Atulit Bal Dhaama. Anjani-Putra Pavansut Naama.

महावीर विक्रम बजरंगी। कुमति निवार सुमति के संगी॥

Mahaaveer Vikram Bajrangi. Kumati Nivaar Sumati Ke Sangi.

कंचन बरन बिराज सुबेसा। कानन कुंडल कुंचित केसा॥

Kanchan Baran Biraaj Subesa. Kaanan Kundal Kunchit Kesa.

हाथ बज्र औ ध्वजा बिराजै। काँधे मूँज जनेऊ साजै॥

Haath Bajra Au Dhvajaa Biraaje. Kaandhe Moonj Janeu Saaje.

शंकर सुवन केसरी नंदन। तेज प्रताप महा जग वंदन॥

Shankar Suvan Kesari Nandan. Tej Prataap Mahaa Jag Vandan.

विद्यावान गुनी अति चातुर। राम काज करिबे को आतुर॥

Vidyaavaan Guni Ati Chaatur. Raam Kaaj Karibe Ko Aatur.

प्रभु चरित्र सुनिबे को रसिया। राम लखन सीता मन बसिया॥

Prabhu Charitra Sunibe Ko Rasiyaa. Raam Lakhan Seetaa Man Basiyaa.

सूक्ष्म रूप धरि सियहिं दिखावा। विकट रूप धरि लंक जरावा॥

Sookshma Roop Dhari Siyahin Dikhaavaa. Vikat Roop Dhari Lank Jaraavaa.

भीम रूप धरि असुर सँहारे। रामचंद्र के काज सँवारे॥

Bheem Roop Dhari Asur Sanhaare. Raamchandra Ke Kaaj Sanvaare.

लाय सजीवन लखन जियाये। श्री रघुबीर हरषि उर लाये॥

Laay Sanjeevan Lakhan Jiyaaye. Shree Raghubeer Harashi Ur Laaye.

रघुपति कीन्ही बहुत बड़ाई। तुम मम प्रिय भरतहि सम भाई॥

Raghupati Keenhi Bahut Badaai. Tum Mam Priya Bharatahi Sam Bhaai.

सहस बदन तुम्हारो जस गावैं। अस कहि श्रीपति कंठ लगावैं॥

Sahas Badan Tumhaaro Jas Gaaven. As Kahi Shreepati Kanth Lagaaven.

सनकादिक ब्रह्मादि मुनीसा। नारद सारद सहित अहीसा॥

Sanakaadik Brahmaadi Muneesaa. Naarad Saarad Sahit Aheesaa.

जम कुबेर दिगपाल जहाँ ते। कबि कोबिद कहि सके कहाँ ते॥

Yam Kuber Digpaal Jahaan Te. Kabi Kobid Kahi Sake Kahaan Te.

तुम उपकार सुग्रीवहिं कीन्हा। राम मिलाय राज पद दीन्हा॥

Tum Upkaar Sugreevahin Keenhaa. Raam Milaay Raaj Pad Deenhaa.

तुम्हरो मंत्र विभीषण माना। लंकेश्वर भए सब जग जाना॥

Tumharo Mantra Vibheeshan Maanaa. Lankeshwar Bhaye Sab Jag Jaanaa.

जुग सहस्र जोजन पर भानू। लील्यो ताहि मधुर फल जानू॥

Yug Sahastra Yojan Par Bhaanu. Leelyo Taahi Madhur Phal Jaanu.

प्रभु मुद्रिका मेलि मुख माहीं। जलधि लाँघि गये अचरज नाहीं॥

Prabhu Mudrikaa Meli Mukh Maahin. Jaladhi Laangi Gaye Acharaj Naahin.

दुर्गम काज जगत के जेते। सुगम अनुग्रह तुम्हरे तेते॥

Durgam Kaaj Jagat Ke Jete. Sugam Anugraha Tumhare Tete.

राम दुआरे तुम रखवारे। होत न आज्ञा बिनु पैसारे॥

Raam Duaare Tum Rakhwaare. Hot Na Aagyaa Binu Paisaare.

सब सुख लहै तुम्हारी सरना। तुम रक्षक काहू को डर ना॥

Sab Sukh Lahai Tumhaari Sarnaa. Tum Rakshak Kaahu Ko Dar Naa.

आपन तेज सम्हारो आपै। तीनों लोक हाँक तें काँपै॥

Aapan Tej Samhaaro Aapai. Teenon Lok Haank Ten Kaampai.

भूत पिशाच निकट नहिं आवै। महाबीर जब नाम सुनावै॥

Bhoot Pishaach Nikat Nahin Aavai. Mahaabeer Jab Naam Sunaavai.

नासै रोग हरै सब पीरा। जपत निरंतर हनुमत बीरा॥

Naasai Rog Harai Sab Peeraa. Japat Nirantar Hanumat Beeraa.

संकट तें हनुमान छुड़ावै। मन क्रम बचन ध्यान जो लावै॥

Sankat Ten Hanumaan Chhudaavai. Man Kram Bachan Dhyaan Jo Laavai.

सब पर राम तपस्वी राजा। तिन के काज सकल तुम साजा॥

Sab Par Raam Tapasvi Raajaa. Tin Ke Kaaj Sakal Tum Saajaa.

और मनोरथ जो कोई लावै। सोइ अमित जीवन फल पावै॥

Aur Manorath Jo Koi Laavai. Soi Amit Jeevan Phal Paavai.

चारों जुग परताप तुम्हारा। है परसिद्ध जगत उजियारा॥

Chaaron Yug Partaap Tumhaaraa. Hai Parsiddha Jagat Ujiyaaraa.

साधु-संत के तुम रखवारे। असुर निकंदन राम दुलारे॥

Saadhu-Sant Ke Tum Rakhwaare. Asur Nikandam Raam Dulaare.

अष्टसिद्धि नौ निधि के दाता। अस बर दीन जानकी माता॥

Ashta Siddhi Nau Nidhi Ke Daataa. As Bar Deen Jaanaki Maataa.

राम रसायन तुम्हरे पासा। सदा रहो रघुपति के दासा॥

Raam Rasaayan Tumhare Paasaa. Sadaa Raho Raghupati Ke Daasaa.

तुम्हरे भजन राम को पावै। जनम-जनम के दुख बिसरावै॥

Tumhare Bhajan Raam Ko Paavai. Janam-Janam Ke Dukh Bisraavai.

अंत काल रघुबर पुर जाई। जहाँ जन्म हरि-भक्त कहाई॥

Ant Kaal Raghubar Pur Jaai. Jahaan Janma Hari-Bhakt Kahaai.

और देवता चित्त न धरई। हनुमत सेइ सर्ब सुख करई॥

Aur Devtaa Chitt Na Dharai. Hanumat Sei Sarb Sukh Karai.

संकट कटै मिटै सब पीरा। जो सुमिरै हनुमत बलबीरा॥

Sankat Katai Mitai Sab Peeraa. Jo Sumirai Hanumat Balveeraa.

जय जय जय हनुमान गोसाईं। कृपा करहु गुरुदेव की नाईं॥

Jai Jai Jai Hanumaan Gosaain. Kripaa Karahu Gurudev Ki Naain.

जो सत बार पाठ कर कोई। छूटहि बंदि महा सुख होई॥

Jo Sat Baar Paath Kar Koi. Chhootahi Bandi Mahaa Sukh Hoi.

जो यह पढ़ै हनुमान चालीसा। होय सिद्धि साखी गौरीसा॥

Jo Yah Padhai Hanumaan Chaaleesaa. Hoy Siddhi Saakhi Gaureesha.

तुलसीदास सदा हरि चेरा। कीजै नाथ हृदय मँह डेरा॥

Tulasidaas Sadaa Hari Cheraa. Keejai Naath Hriday Manha Deraa.